Sól, sól, skín á mig...

Þá er maður víst mættur aftur fram í stofu með tölvuna. Ákvað að fórna mér og leyfa Þórunni að nota skrifborðið 'hennar' yfir helgina því hún þarf víst að læra. Gallinn er bara að sólin skín sem aldrei fyrr beint inn um stofugluggann hjá okkur og í augun á mér. Hvað gerir maður svosem ekki fyrir konuna? ;)

Henti mér í ræktina í morgun og á hlaupabrettið. Var í góðum fíling á 10 km/klst hraða með Eminem í eyrunum og búinn að hlaupa ca. 3 kílómetra þegar helv.... iPod-inn ákvað að hann hefði spilað nóg í bili og tilkynnti mér að hann hefði klárað rafhlöðuna og óskaði náðarsamlega eftir því að vera settur í hleðslu. Þá var fokið í flest skjól með áframhaldandi þjálfun því ég hreinlega verð að hafa einhverja tónlist í eyrunum til að geta hlaupið. Svo segja menn að Eminem hafi slæm áhrif á hlustendur sína, það er greinilega bara tómt bull...

Sigríður mágkona kom í mat í gær (og Ragnhildur og Helga María líka) og færði mér pakka, Spiderman H&M naríur! Veit greinilega alveg upp á hár hvað allir karlmenn óska sér í afmælisgjöf! :D

Föstudagsfjör!

Alltaf hafa föstudagar einhvern ævintýralegan blæ yfir sér. Helgin framundan, afslöppun (fyrir suma) og tækifæri til að lyfta sér upp og gera eitthvað skemmtilegt. Auðvitað er hægt að gera það á virkum dögum líka, eins og við hjónin gerðum einmitt í gær. Fórum út að borða og hentum okkur svo í bíó. Fórum að sjá 'The Gay Cowboy Movie', betur þekkt sem Brokeback Mountain. Kom bara á óvart, bjóst nú ekki við miklu, var samt alveg flaming en það pirraði mig ekki mikið. Tveir þumlar upp þar á ferð...

Og magnað hvað við Dói vorum sannspáir varðandi handboltann, einn sigur í milliriðli og Ísland endar í 5-8 sæti (nánar tiltekið 7. sæti). Dæmigert fyrir íslenska landsliðið að drulla upp á bak þegar það er minnsti möguleiki á árangri. Liðið er nú sennilega bara ekki betra en þetta. Og svo komu Danir mér verulega á óvart með því að salta Rússana og tryggja sig þannig í undanúrslit. Ætli maður neyðist þá ekki til að halda með Dönunum, fyrst maður býr nú einu sinni í landinu þeirra... ;)

Gerðist eitthvað merkilegt 2. febrúar?!?

Dagurinn í dag þykir nú ekki svo ýkja merkilegur í veraldarsögunni. Mér tókst samt að grafa upp nokkra atburði sem áttu sér stað einmitt þennan dag.

1653. Nýja Amsterdam (síðar Nýja Jórvík) er formlega stofnuð.
1852. Fyrsta almenningssalernið í Bretlandi opnar (Fleet St. í London).
1876. Bandaríska hafnaboltadeildin stofnuð.
1882. Rithöfundurinn James Joyce fæðist.
1887. Í Punxsutawney í Pennsylvaníufylki í USA fylgist fólk með fyrsta Múrmelsdýrsdeginum sem er haldinn hátíðlega ár hvert á þessum sama degi. Punxsuatawney Phil (múrmeldýrið heitir það víst) var svo gerður ódauðlegur í myndinni Groundhog Day með meistara Bill Murray.
1905. Ayn Rand, rithöfundur og heimsspekingur, fæðist.
1907. Dmitri Mendeleev, rússneskur efnafræðingur og 'höfundur' lotukerfisins, deyr.
1914. Ylfingar boðnir velkomnir í skátahreyfinguna.
1920. Eistland lýsir yfir sjálfstæði frá Rússlandi (en missir það þó aftur skömmu síðar).
1923. Blýbensín kemur á markað.
1926. Þrír menn (ónafngreindir) dansa Charleston í 22 og hálfan tíma.
1932. Al Capone stungið á bak við lás og slá fyrir skattsvik (aldrei tókst að sanna neitt annað á karlgreyið).
1933. Adolf Hitler leysir upp þýska þjóðþingið.
1935. Lygamælir notaður í fyrsta skipti við réttarhöld.
1943. Þjóðverjar gefast upp fyrir Rússum í Stalíngrad eftir næstum tveggja ára umsátur um borgina.
1954. Christie Brinkley, amerískt súpermódel, fæðist.
1954. Snjókoma á Gíbraltar (þykir víst nokkuð óvenjulegt).
1957. Elizabeth Taylor giftir sig í þriðja sinn, hjónabandið endist stutt.
1959. Buddy Holly treður upp í síðasta sinn.
1963. Eva Cassidy, amerísk dægurlagasöngkona, fæðist (lést langt um aldur fram, 33 ára að aldri).
1964. GI Joe (holdgervingur bandaríska hermannsins) kemur á markað í USA.
1969. Boris Karloff, hrollvekjuleikari með meiru, deyr.
1971. Idi Amin nær völdum í Úganda (öllum til mikillar gleði og landinu til ævarandi sóma).
1972. Dana International, kynvillingur, fæðist.
1977. Söngdívan Shakira fæðist.
1977. Þýski rannsóknarmaðurinn Karl Shütz kynnir niðurstöður rannsókna sinna á Guðmundar og Geirfinnsmálinu á blaðamannafundi.
1979. Sid Vicious deyr af völdum ofneyslu allskonar lyfja.
1982. Kvöldþátturinn með David Letterman sýndur í fyrsta sinn. 24 árum síðar er hann enn í fullu fjöri.
1987. Filippseyjar taka upp stjórnarskrá (ekki seinna vænna).
1989. Sovéski herinn yfirgefur Afganistan eftir níu ára hernám.
1990. de Klerk, forseti Suður Afríku, afnemur formlega lögbundinn aðskilnað svartra og hvítra í landinu.
1996. Gene Kelly, amerískur dansari, leikari og leikstjóri, deyr.
2338. Data, 'vélmaðurinn' í Star Trek Next Generation, fæðist/settur saman.

Í dag er einnig hinn svokallaði Crêpe dagur í Frakklandi, spurning um að henda sér á eitt stykki síðar í dag... ;)

Rússagrýlan tíkarslegin!

Jah, hver mórauður! Ótrúlegt nokk þá lagði íslenska 'hraðlestin' rússneska björninn í gær á EM í handbolta. Fékk að 'sjá' leikinn í gegnum vefmyndavél í boði Eika (kann ég honum ákaflega miklar þakkir fyrir það). Hörkuspennandi leikur og mikið fjör. Var kominn tími á að klára þessa sveittu Rússa, ekki endalaust hægt að tapa fyrir sama liðinu... ;)

Hef annars engar væntingar um framhaldið, talaði um það við Dóa bróðir fyrir milliriðilinn að það væri fínt ef þeir næðu að vinna allavega einn af þessum leikjum og spila þá um 5-8 sæti. Ætla ennþá að halda mig við það, allt annað er bara bónus...

Annars er allt að verða brjálað hérna í Danmörku út af þessu rugli með Múhammeð og Jyllandsposten. Voðalega eru þessi múslimar hörundssárir. Og í ofanálag virðist ekki nægja að biðja þá afsökunar (sem þó hefði verið algjör óþarfi). Veit ekki alveg hvað þeir vilja meira en afsökunarbeiðni. Kannski þeir láti sér nægja að lýst verði yfir að Danmörk verði framvegis múslímskt ríki. Eiga allavega voðalega bágt með að skilja hvað mál- og tjáningarfrelsi þýðir...

Nihil curo de ista tua stulta superstitione!

Fall er fararheill...

Jæja...

Þórunn fékk út úr prófinu sínu áðan og eftir fyrstu talningu er hún bara nokkuð örugg um áframhaldandi þátttöku í náminu. Fékk víst átta sem verður að teljast mjög gott miðað við stærð og umfang námsins. Ég er allavega sáttur við konuna núna og jafnvel spurning hvort maður þurfi ekki að halda uppá þennan árangur. Væri kannski ekki vitlaust að hafa sameiginlega gleði á fimmtudag, afmælispróflokagleði, hauuuuuuu... :D

Íslenska landsliðið í handbolta fær víst að kljást við rússneska björninn á eftir. Að sjálfsögðu mun danska sjónvarpið EKKI sýna frá leiknum þannig að maður verður að treysta á RÚV til þess að sjá manni fyrir lýsingu. Heppilega eru þeir töluvert framar en Danirnir hvað varðar þjónustu og tækni...

Noli me vocate, ego te vocabo!

Í léttri salsasveiflu...

Hold da op! Við hjónin vorum að koma úr fyrsta salsatímanum eftir áramót (ákváðum að henda okkur á framhaldsnámskeið þar sem við vorum svo svakalega góð fyrir áramót). Það var sko ekki verið að fara hægt í sakirnar, aldeilis ekki! Ný spor hægri vinstri og í þokkabót allsvakalega flókin og hröð. Vorum eiginlega alveg gáttuð á því hvað við vorum að pluma okkur vel þrátt fyrir að hafa ekki 'snert' salsað (nema bara með nachos flögum) síðan um miðjan desember. Komumst að auki að því að allir sem voru með okkur í tímanum eru búnir að vera í þessu mun lengur en við og við stóðum þeim ekki svo langt að baki... :D

Fengum annars Runa og Heiðrúnu í mat í gær og gripum á eftir í Trival, strákar á móti stelpum. Hörkukeppni framan af sem lauk svo með verðskulduðum sigri drengjanna. Rematch-ið var ekki eins spennandi, var eiginlega bara burst. Gellurnar áttu ekkert í baneitraða drengina og voru hreinlega skildar eftir í rykinu með einungis eina köku í lokin. Þori ég, get ég (eitthvað í Trivial), vil ég? Nei, við getið ekkert í Trivial... ;)

Ár hundsins byrjaði víst í dag með geltandi gleði á alla kanta. Vonandi fer ekki allt í hundana...

Sunnudagur til svefns...

Afskaplega getur verið þægilegt og gott að sofa út á sunnudögum (eða bara hvaða daga sem er). Hef ekki sofið svona vel út lengi og átti þetta eiginlega alveg inni og svo sannarlega skilið. Spurning um að gera þetta að daglegum hlut bara, svei mér þá...

Maður lifandi hvað við elduðum góðan mat í gær! Fengum gesti í kvöldmat og ákváðum að hafa það grand og fórum til slátrarans og keyptum nautalundir sem við steiktum á nýju grillpönnunni okkar. Ég dúllaði mér við að búa til Hasselbach (Hasselhoff?!?) kartöflur með og kokkuðum svo upp Jensen's Bøfhus piparsósu líka. Alveg fiiiiine!

Fótboltinn sem ég ætlaði af henda mér í í morgun féll svo niður þannig að ég verð að bæta með það upp með því að horfa á United vs. Wolves á eftir. Það er nú bara ekkert nema sanngjarnt... ;)

Áfram Ísland (þó leikurinn skipti nákvæmlega engu máli)!